22 Kunapachatï Israelajj uka markan jakaskäna ukhajja, Rubén yoqapajj awkipan Bilhá concubinapan ukar sarasaw jupamp ikintasïna. Israelasti kunatï paskäna uk istʼänwa.+

Jacobojj 12 yoqanakanïnwa.

22 Ukatsti Rubenajj akham sarakïnwa: “Jan wil wartapjjamti,+ antisas aka wasarankir pʼiyar jaqontapjjam, jan kuna jan walsa juparojj lurapjjamti”+ sasa. Rubenajj jilanakapatwa Josear salvañ munäna, ukhamat awkipar kuttʼayjjañataki.

3 ”Rubén,+ jumajj jilïr wawajätawa,+ jumaw chʼamajätasa nayrïr wawajätasa. Suma uñjatäñatakis chʼamanïñatakis jumaw wali jilanktajja. 4 Jawir umar uñtasita jan saytʼatam laykojja janiw jumajj jilankkätati. Awkiman esposapampi ikintasitam laykojja, janiw jumajj jilanakamat sipansa jilankkätati.+ Uka tiemponjja jumajj nayan ikiñajwa qʼañuchtajja. ¡Jupan luratapajj janipuniw walïkiti!

14 Israelitanakan familianak pʼeqtʼirinakapajj akanakänwa: Israel chachan Rubén jilïr yoqapan+ wawanakapajja Hanok, Palú, Hezrón, Carmí ukanakänwa.+ Jupanakaw Rubén chachan familianakapänjja.

5 Akanakaw Israel chachan Rubén+ sat jilïr yoqapan wawanakapajja. Rubenaw jilïr yoqänjja, ukampis jupajj tatapan concubinapampiw ikintasïna,*+ ukatwa derechot waktʼkäna uka jilïr wawäñajj Israelan José sat yoqapan wawanakapar churatäjjäna,+ janirakiw familiapan listapan jilïr wawjamajj listankjjänti.