6 Kunapachatï nayajj tatanakamaru Egiptot irpsunkayäta,+ jupanakas qotar puripjjarakïna ukhajja, egipcionakajj jumanakan tatanakamarojj Mar Rojo sat qotakamaw guerran nuwasiñatak carronakampi caballot sarir soldadonakampi arktapjjäna.+ 7 Jupanakasti naya Jehová Diosaruw artʼasinipjjetäna,+ ukatwa nayajj egipcionakat mä chʼiyar qenayampi jarkʼaqayäta, qotan umanakapampiw jupanakar chhaqtayarakiyäta,+ jupanak pachpaw kuntï nayajj Egipton lurkayäta uk uñjapjjäna.+ Ukatjja jumanakajj walja maranakaw wasara oraqen jakapjjarakiyätajja.+