14 Ukatsti Moisesajj Cadés lugaratjja Edom+ markan reyipan ukaruw mä qhawqha jaqenakar khitäna, akham sapjjañapataki: “Israel+ jilamajj akham siwa: ‘Kuna jan walinakansa nanakajj uñjasipjjayäta uk jumajj sum yattajja.

17 Mirä amp suma, jichhajj oraqem taypi pastʼayapjjakitaya. Nanakajj janiw satat oraqenakam taypsa ni uvas yapunakam taypsa pasapkäti, janirakiw phujunakamatsa um umtʼapkäti. Reyin Thakipwa nanakajj sarapjjäjja, oraqem taypi paskasajj janiw kupi toqerusa ni chʼeqa toqerus sarapkäti’+ sasa”.

21 Ukatjja israelitanakajj mä qhawqha chachanakaruw amorreonakan Sehón reyipan ukar khitapjjäna, akham sapjjañapataki:+ 22 “Oraqem taypi pastʼayapjjakitaya. Janiw nanakajj satat oraqenakam taypsa ni uvas yapunakam taypsa pasapkäti, janirakiw phujunakamatsa um umtʼapkäti. Oraqem taypi paskasajj Reyin Thakipakwa sarapjjäjja”+ sasa.