• Levítico 5:11
    Biblia Aymara. Machaq Mundon Jakirinakataki

    • 11 ”’Ukampis qollqepatï pä qhorukutu jan ukajj pä wawa paloma alañatak jan utjkchi ukhajja, niya mä kilo*+ suma jakʼwa jucha luratat mä ofrendjam apaniñapa. Uka jakʼurusti janiw aceitemp uchañapäkiti, janirakiw janqʼo inciensompis apjjatañapäkiti, ukajj jucha luratat mä ofrendätap layku.

  • Números 5:15
    Biblia Aymara. Machaq Mundon Jakirinakataki

    • 15 chachajj sacerdoten ukaruw warmipar irpañapa, warmipatakejj mä ofrendampwa apañapa, mä arunjja niya mä kilo* cebad jakʼu apañapa. Uka jakʼurojj janiw aceitempisa ni janqʼo inciensompis apjjatañapäkiti, ukajj celasiñ toqet grano ofrendawa, uka grano ofrendajja warmin juchapat Diosar amtayañatakiwa.