16 ”Diosajj aka mundor wal munatap laykuw mä sapa Yoqap churäna,+ ukhamat taqe khitinakatï jupar confiyapjjatap* uñachtʼayapki ukanakajj jan jiwapjjañapataki, jan ukasti wiñay jakañ katoqapjjañapataki.+

32 Diosajj janiw pachpa Yoqaparus tʼaqesiñat salvkänti, jan ukasti taqe jiwasanak laykuw jiwañar apjjaruyäna,+ ukhamajj ¿janit Diosajj jiwasat khuyaptʼayasisajj Yoqapamp chika taqe kuns churkistani?

13 Ukañkamasti kuntï jiwasajj wali kusisit suytʼasktan+ ukan phoqasiñapsa, jachʼa Diosana ukhamarak jiwasar Salviri Jesucriston kʼajkir uñstaniñapsa suytʼaskakiñäni. 14 Jupaw jiwasanak laykojj jakäwip churäna,+ ukhamatwa kunayman jan walinakat salvistu,+ jupan markapäñasatakis qʼomachistu, ukhamat suma luräwinak taqe chuyma lurañasataki.+

7 Ukampis jiwasatejj qhanan sarnaqaskstan ukhajja, kunjamtï Diosajj qhanankki ukhamjja, jiwaskamajj mayakïtanwa, Jesús Yoqapan wilapas taqe juchanakasatwa qʼomachistu.+

16 Cristow jiwasanak laykojj jiwäna,*+ ukhamatwa jiwasanakajj munasiñ uñtʼtanjja. Ukhamajj jilatanakas layku jiwañatakejj* obligatätanwa.+