22 Ukatjja Diosamp jikisiñ carpa manqharuw mesa+ apantäna, tabernáculo alay toqeruw* ucharakïna, cortin maysäjj toqeru. 23 Ukatsti Jehová Dios nayraqatanwa mesa patjjarojj tʼantʼanak tawqtʼat uchäna,+ kunjamtï Jehová Diosajj siskäna ukhama.

4 Ukampis sacerdotejj akham sasaw Davidar säna: “Janiw aleq tʼantʼajj utjkiti, sagrado tʼantʼakiw utji.+ Chachanakatï jichhanakak jan mä warmimpis ikthapipkchejja,+ jupanakajj uka tʼantʼanak manqʼapjjaspawa” sasa.

25 Jupasti sarakïnwa: “Davidajj jaqenakapamp chika manqʼa pistʼayasipjjäna, manqʼatsa wal awtjayasipjjäna+ ukhajja, ¿kunsa jupajj luräna uka toqet janit mä kutis liytʼapkta? 26 Abiatar+ sat jilïr sacerdoten sarnaqäwiparjamasti, Davidajj Diosan utapar mantasaw Diosar loqtat tʼantʼanak manqʼantäna, jupampïsipkäna uka jaqenakarus churarakïnwa. Leyirjamajj janiw khitis uka tʼantʼanak manqʼañapäkänti, jan ukasti sacerdotenakakiw uk manqʼapjjañapäna,+ ¿janit uk liytʼapkta?” sasa.