10 ”’Maynitï ovejanakapata jan ukajj cabranakapatsa nakhantayat ofrendat loqtañatak apanini ukhajja,+ jan kuna kamachtʼat mä orqo oveja* jan ukajj mä cabra apaniñapa.+ 11 Ukatsti uka uywajj altar alay toqenwa* Jehová Dios nayraqatan kharinukutäñapa. Aaronan sacerdote yoqanakapasti uka uywan wilapampiw altaran taqpach ladonakapar chʼalltʼapjjarakini.+

25 “Aaronarusa yoqanakaparus akham sañamawa: ‘Jucha luratat ofrendjam loqtaskani uka ofrendan leyipajj akawa:+ kawkjantï nakhantayat ofrendat loqtatäki uka uywajj kharinukuskejja, uka pachpa lugaranwa jucha luratat ofrendjam loqtaskani uka uywajj kharinukusiñapa,+ Jehová Dios nayraqatana. Uka ofrendajj wali sagradowa.