17 ”Kunapachatï Diosamp jikisiñ carpajj mä cheqat yaqha cheqar apatäni+ ukhajja, levitanakan carpanakapajj mayni carpanak taypinkañapawa.

”Tribunakajj mä cheqat yaqha cheqar sarapkani ukhajja, kunjamtï carpanakap ordentʼat saytʼayapkejja ukham ordentʼataw sarapjjañapa,+ sapa maynejj lugar lugarapanwa sarapjjañapa, kims kimsa jaljat tribunakajj grup grupow sarapjjañapa.

23 Guersonitanakan familianakapajj tabernáculo qhepäjjanwa carpanakap saytʼayapjjäna,+ inti jalanta toqeru.

29 Cohat chachan yoqanakapan familianakapajja, tabernáculo aynach toqeruw* carpanakap saytʼayapjjäna.+

35 Merarí chachan familianakapan pʼeqtʼiripajj Abihail chachan Zuriel yoqapänwa. Meraritanakajj tabernáculo alay toqeruw* carpanakap saytʼayapjjäna.+

38 Tabernáculo uñkatasina, mä arunjja Diosamp jikisiñ carpa inti jalsu toqenjja Moisesampi, Aaronampi, Aaronan yoqanakapampiw carpanakap saytʼayapjjäna. Jupanakaw santuario uñjañatakejj encargatäpjjäna, ukhamat israelitanakar yanaptʼañataki. Jan autorizat mä jaqetï* santuarior jakʼachasispäna ukhajja, uka jaqejj jiwayatäñapänwa.+