21 Ukampis jumanakajj akham sasaw chuymanakaman sapjjasma: “¿Kunjamarak nanakajj Jehová Diosan uka arunak jan parlatap yatipjjeriststi?” sasa. 22 Kunapachatï naya Jehová Diosan sutij-jjaru uka profetajj parlani, uka arunakajj janirak phoqaskani janirak cheqäkani ukhajja, janiw naya Jehová Diosajj uka arunak parlkti. Uka profetajj jachʼa jachʼa tukusaw parli. Janiw juparojj ajjsarapjjañamäkiti’.