• Jueces 2:17
    Biblia Aymara. Machaq Mundon Jakirinakataki

    • 17 Ukampis israelitanakajj janiw juezanakarus istʼapkänti, prostitutanakar uñtataw yaqha diosanakamp sarnaqapjjäna, ukanakatakiw altʼasipjjarakïna. Nayra awkinakapajj sarnaqapkäna uka thakitjja jankʼakiw maysar saranukupjjäna. Nayra awkinakapajj Jehová Diosan mandamientonakap istʼapjjänwa,+ ukampis jupanakajj janiw istʼapkänti.

  • Salmo 106:37-39
    Biblia Aymara. Machaq Mundon Jakirinakataki

    • 37 Yoqall wawanakaparus

      imill wawanakaparus demonionakaruw sacrificiot loqtapjjäna.+

      38 Jan juchani jaqenakan wilapjja wartasipkakïnwa,+

      pachpa yoqall wawanakapana imill wawanakapan wilapjja wartasipkakïnwa,

      Canaán oraqenkir idolonakaruw loqtapjjäna,+

      oraqejj wila wartasitampi qʼañuchatänwa.

      39 Jupanakajj luratanakapampiw qʼañuchasipjjäna,

      luratanakapampiw Diosat jitheqtapjjäna.*+