13 Uka oraqe uñtasasti jumajj jiwjjätawa,+ kunjamtï Aarón jilamajj nayra awkinakamampi imatäkänjja ukham imatäjjarakïtawa.+ 14 Kunapachatï israelitanakajj Zin sat wasar taypin naya contra parlapjjäna ukhajja, kuntï nayajj sapksma uka contraw saytʼasipjjayätajja, uma churapkayäsma ukhajja, janirakiw israelitanak nayraqatan santo Diosarjamajj jachʼañchapkistati.+ Cadés+ lugarankir Meribá+ lugaran um apsupkayäta ukanwa ukajj pasäna, mä arunjja Zin sat wasaranwa+ pasäna” sasa.

27 Pisgá qollu patjjar makatam,+ ukatsti inti jalanta toqeru, alay toqeru, aynach toqeru,* inti jalsu toqeru uñtam, nayranakamampi suma oraqe uñjarakim, jumajj janiw Jordán jawira paskatkätati.+

4 Ukatjja Jehová Diosajj akham sasaw jupar säna: “Abrahán, Isaac, Jacob chachanakarojja ‘wawanakamaruw churäjja’+ sasaw uka oraqet juramentomp nayajj arsuyäta. Uka oraqjja pachpa nayramampiw uñjayjjsmajja, ukampis janiw uka oraqerojj paskatkätati”+ sasa.

5 Ukatsti Jehová Diosan Moisés serviripajj uka Moab oraqenwa jiwjjäna, kunjamtï Jehová Diosajj siskäna ukhama.+