• Génesis 48:19, 20
    Biblia Aymara. Machaq Mundon Jakirinakataki

    • 19 Ukampis awkipajj janiw jupar istʼañ munkänti, ukatwa akham säna: “Wawa, uk yatisktwa, nayajj sum yatiskta. Jupajj mä markaruw tukurakini, wali jachʼarakïniwa. Ukampis sullka jilapajj jupat sipansa jukʼamp jachʼäniwa.+ Wawanakapas waljapunïniwa, walja markanakwa uttʼayapjjarakini”+ sasa. 20 Uka urojja Jacobojj jupanakar bendisiskakïnwa,+ akham sasa:

      “Kunapachatï israelitanakajj maynit maynikam bendisisipjjani ukhajja, akham sapjjaniwa:

      ‘Kunjamtï Diosajj Efrainarusa Manasesarus bendiski ukhamarak jumar bendispan’ sasa”.

      Ukhamaw Jacobojj Manasesar amparapamp loqjjatañat sipansa Efrainar loqjjatäna.