24 Ukatjja jumanakajj akham sapjjayätawa: ‘Nanakan Jehová Diosajajj kʼajkir qhanapa, kunja jachʼäkitejj ukwa uñachtʼayapjjetu, nina taypitwa arup istʼapjjarakta.+ Diosasti jaqempejj parlaspawa, ukhamäkchisa jaqejj jakaskakispawa ukwa jichhürojj uñjapjjta.+

26 Jehová Diosarojj akham sasaw ruwtʼasiyäta: ‘Taqe Kunjjar Munañani Jehová Dios Tata, janikiy markamarojj tʼunjamtejja. Jupanakajj juman markamäpjjewa,*+ chʼamamampiw jupanakarojj salvtajja, Egipto markatsa chʼamani amparamampiw irpsuniraktajja.+