26 Uka qollqempejja kuntï munapkta ukanakwa alapjjasma: vacanaka, ovejanaka, cabranaka, vino, alcoholani yaqha umañanakwa alapjjasma, kuntï munapkta ukanaksa alapjjarakismawa. Ukatjja ukanwa jumanakasa utamankirinakasa Jehová Diosam nayraqatan manqʼasipjjäta, ukatsti kusisipjjarakïtawa.+

66 Qhepürusti* Salomonajj markankirinakarojj khitanukjjänwa, jupanakasti reyirojj bendisipjjänwa, kunjamsa Jehová Diosajj David serviriparusa Israel markaparus suma chuymamp+ uñjatap uñachtʼayäna uk uñjasajja, jupanakajj wali kusisitaw utanakaparojj chuymas chuym sarjjapjjäna.

10 Nehemías chachasti jupanakarojj akham sarakïnwa: “Sarapjjam, suma manqʼanak manqʼasinipjjam,+ mojjsa vinonak umtʼanipjjam. Jan kuna manqʼañanïpki ukanakarus wajjtʼapjjarakim, jichhürojj Tatitusatakejj mä sagrado uruwa. Jan llakisipjjamti, Jehová Diosajj churapktam uka kusisiñaw jumanakarojj chʼamanir tukuyapjjtam”* sasa.