21 ”Jumamp chik jakiri mä extranjero jaqerojj janiw kuna jan walsa lurañamäkiti ni tʼaqesiyañamäkisa,+ Egipto oraqenjja jumanakajj extranjerjamaw jakapjjarakiyätajja.+

22 ”Janiw mä viuda warmirusa ni jan awkin mä wajcha wawarus* tʼaqesiyañamäkiti.+

17 Jumanakan Jehová Diosamajj diosanakans Diosapawa,+ tatitunakans Tatitupawa, jupajj jachʼa ukhamarak chʼamani Diosawa, juparuw jaqenakajj ajjsarapjjañapa respetapjjañaparaki, jupajj janiw khitirus yaqhachkiti,+ janirakiw kunampis alayaskiti. 18 Diosajja jan awkin wajcha wawarusa* viuda warmirusa+ cheqaparuw uñji, jumanak taypin jakiri extranjero jaqerusa+ manqʼa ukhamarak isi churasaw munasiñamp uñji.

20 Kunatï cheqapäki ukwa jumanakajj arkapjjañama,+ ukhamat jakasipkakiñamataki ukhamarak Jehová Diosamajj churapkätam uka oraqe katuntapjjañamataki.

Ukhamsa lurapjjchejja, Jehová Diosaruw confiyapjjta sasaw sapjje, akham sapjjarakiwa:

“¿Janit Jehová Diosajj jiwasampïki?+

Janiw kuna jan waltʼäwis paskistaniti”+ sasa.

5 ”Nayajj jumanakar juzgañatakiw jutäjja, layqanakarusa,+ adulterio jucha luririnakarusa, falso juramentonak luririnakarusa,+ sueldot trabajiri jaqenakaru,+ viudanakaru, jan awkin wajcha wawanakar*+ engañjirinakarusa, extranjero jaqer jan yanaptʼañ munirinakarus+ jankʼakiw juzgäjja. Uka jaqenakajj janiw nayar ajjsarapkituti” siw ejercitonakan Jehová Diosapajja.

27 Kunjam adorañatejj* Dios Awkis nayraqatan qʼomäki jan qʼañuchatäki ukajj akawa: wajchanakarus*+ viudanakarus+ jan waltʼäwinakapan+ yanaptʼaña, aka mundompis jan qʼañuchasiña.+