4 Arca nayraqatanjja paqallqo sacerdotenakaw paqallqo pututunak* apapjjañapa. Paqallqöri urunsti, paqallq kutiw marka anqäjj muytapjjañama, sacerdotenakaw uka pututunak phustʼapjjañapa.+

16 Paqallqöri kutinjja sacerdotenakajj pututunak phustʼapjjäna. Josué chachasti soldadonakarojj akham sänwa: “¡Artʼapjjam,+ Jehová Diosaw markjja jumanakar churapjjtam!