36 Ukatsti Josué chachajj taqpach israelitanakamp chikaw Eglón markat Hebrón+ markar makatäna, uka marka contraw nuwasirakïna. 37 Uka marka katuntasasti, markarusa, reyiparusa, markanakaparusa, markankir taqe jaqenakarus espadampiw jiwarayapjjäna, janirakiw maynis salvaskänti. Kunjamtï Eglón markar lurkänjja, ukhamarakwa Josué chachajj Hebrón markarusa ukan jakir taqe jaqenakarus qʼal tukjäna.

13 Kuntï Jehová Diosajj Josué chachar siskänjja, ukarjamaw Josué chachajj Jefuné chachan Caleb+ yoqaparojj Judá chachat jutirinak taypin oraqe churäna, Quiryat-Arbá oraqe, mä arunjja Hebrón+ oraqe churäna (Arbá chachasti Anac chachan awkipänwa).

11 Judá tribun qollunak toqenkir oraqenakapanjja, Quiryat-Arbá markwa jupanakar churapjjäna,+ mä arunjja Hebrón+ marka churapjjäna, uka jakʼankir pastoni oraqenakapampi. (Arbá chachajj Anac chachan awkipänwa). 12 Ukampis uka markan jan yapuchat oraqenakapsa jiskʼa markanakapsa Jefuné chachan Caleb yoqaparuw oraqepäñapatak churapjjäna.+

55 ukatwa jupanakarojj Judá oraqenkir Hebrón+ marka churapjjäna, marka jakʼankir pastoni oraqenakapampi. 56 Ukampis marka anqäjjsa jiskʼa markanakapsa Jefuné chachan Caleb+ sat yoqaparuw churapjjäna.