16 Jehová Diosajj akham sasaw Moisesar sarakïna: “Israel markankir ancianonakatjja* 70 chachanakaruw ajlliñama.+ Kawkïr chachanakarutï jumajj uñtʼkta uka ancianonakaru ukhamarak oficialanakaruw Israel markat ajlliñama. Ukatsti Diosamp jikisiñ carparuw irpaniñama, jupanakajj jumamp chikaw ukan saytʼasipjjañapa. 17 Nayasti saraqanisaw+ jumamp ukan parläjja,+ jumjjankki uka espíritu santotjja mä jukʼwa apaqarakëjja,+ ukatsti jupanakjjaruw uchäjja, jupanakaw markan llakinakap apañ yanaptʼapjjätam, ukhamat markan llakinakap jan sapak apañamataki.+

34 Ukatjja Jehová Diosan espiritupaw Gedeón+ chachjjar jutäna, jupasti pututu phustʼasirakïna,+ abí-ezritanakasti+ jupan qhepap sarañatakiw tantachtʼasipjjäna.

29 Jehová Diosan espiritupaw Jefté+ chachjjar jutäna, jupasti Galaad oraqenkir Mizpé markar sarañatakejj Galaad+ oraqempi ukhamaraki Manasés tribun oraqepamp pasäna, Galaad oraqenkir Mizpé markatjja ammonitanak contraw sararakïna.

5 Sansón chachasti tatap mamapampiw Timná cheqar saraqäna. Kunapachatï jupajj Timná cheqan utjir uvas yapunakar purïna ukhajja, wali chʼamani mä leonaw jupan ukar warartʼasis jutäna. 6 Ukatsti Jehová Diosan espiritupaw jupar chʼam churäna,+ ukatwa uka leonarojj mä cabritor uñtat amparapampik payar chʼiyjäna. Ukampis ukham luratapjja janiw tataparusa ni mamaparus arskänti.

14 Lehí sat cheqar purïna ukhajja, Sansonar uñjasajj kusisiñatwa filisteonakajj arnaqasipjjäna. Ukapachaw Jehová Diosan espiritupajj jupar chʼam churäna,+ jupar ñachʼantatäkäna uka pitanakasti* facilak ninamp phichantat lino hilor uñtat tʼaqartäna, cadenanakas amparapat jalartjjänwa.+

6 Kunapachatï uka arunak istʼäna ukhajja, Saularojj Diosan espiritupaw chʼam churäna,+ jupasti wal colerasïna.

13 Ukatwa Samuelojj aceiten wajjra aptasajj+ jilanakap nayraqatan jupar ajllïna. Uka urut uksaruw Jehová Diosan espiritupajj Davidar chʼam churäna.+ Samuelusti ukawjat sartasajj Ramá markaruw sarjjarakïna.+

15 Ukatsti Diosan espiritupaw Oded chachan Azarías sat yoqapjjar jutäna.