18 akwa amtasipjjañama, Jehová Diosamaw ukanak jikjjatapjjañamatakejj chʼam churapjjtamjja,+ ukhamat nayra awkinakamar juramentompi arski uka pacto phoqañapataki, kunjamtï jupajj jichhürun lurki ukhama.+

12 Kunjamtï mä jaqejj suma phoqtʼata manqʼa imañ utap jistʼarkejja, ukhamarakiw Jehová Diosajj jumanakatak alajjpach jistʼarani, ukhamat tiempopar oraqemar jallu purjjatayañataki+ ukhamarak taqe luräwinakaman jumanakar bendisiñataki. Jumanakajj walja markanakaruw maytʼapjjäta, ukampis jumanakajj janiw maytʼasiñ necesitapkätati.+

11 Ukatjja Diosajj akham sasaw Salomonar säna: “Jumajj chuymatpach uk mayistajja, janirakiw qamirïñsa, wali utjirinïñsa, ni jachʼañchatäñsa, ni uñisirinakaman jiwañapsa, ni jaya tiempo jakañsa maykistati, jan ukasti reyit apnaqañamatak uttʼayksma uka markajar juzgañatakejj yatiñampi uñtʼañampi mayistajja,+ 12 ukhamajj yatiñampi uñtʼañampi nayajj churäma; ukjjarusti qamirïñampi, wali utjirinïñampi, jachʼañchatäñampi churarakïma, ukanakajj janirakiw khiti reyins jumat nayrajj utjkänti, ni khiti reyins jumat qheparojj utjkaniti”+ sasa.

12 Ukhamaw Jehová Diosajj Job chachan vidaparojj nayra maranakapat sipans qhepa maranakap bendisïna.+ Job chachajj 14.000 ovejanakani, 6.000 camellonakani, 2.000 vacanakani,* 1.000 asnonakani* ukhamäjjänwa.+