21 Uka qhepatsti Davidajj Nob+ markaruw Ahimélec sat sacerdoten ukar purïna. Davidamp jikisisajja, Ahimélec sacerdotejj ajjsarañat khatatïnwa, Davidarojj akham sänwa: “¿Kunatsa sapakïta? ¿Kunatsa jan khitis jumamp chikäki?”+ sasa. 2 Uk satasti Davidajj akham sasaw Ahimélec sacerdoter säna: “Reyiw mä lurañ churitu, ukampis akham sasaw situ: ‘Kuna lurañarutï khitksma, kunjamsa uk phoqäta uksa janiw khitirus kuns yatiyätati’ sasa. Nayajj mä cheqan jikisiñatakiw nayamp chik jutapki uka chachanakarojj mayirakta.