10 Ukatjja Santísimo lugaratakejj pä querubín angelanak luräna, ukanakarojj qorimpiw forrarakïna.+ 11 Querubín angelanakan chheqanakapajja,+ ukchʼpachajj niya llätunka metronak* ukchʼänwa. Nayrïr querubín angelan mä chheqapajj 2 metro 20 centimetronïnwa,* utan perqapkamaw purirakïna, mayni chheqapajj 2 metro 20 centimetronïnwa,* payïr querubín angelan mä chheqa puntapkamaw purirakïna. 12 Payïr querubín angelan mä chheqapajj 2 metro 20 centimetronïnwa,* utan maysa perqapkamaw purirakïna, mayni chheqapajj 2 metro 20 centimetronïnwa,* nayrïr querubín angelan mä chheqa puntapkamaw purirakïna. 13 Uka querubín angelanakan chheqanakapajj niya llätunka metronak* ukchʼar ayatatatäpjjänwa; uka angelanakasti saytʼatäpjjarakïnwa, ajanunakapajj Santo lugarar uñtatäpjjänwa.

8 Querubín angelanakan chheqanakapajj arca patjjar ayatatatänwa. Arcarusa barranakaparusa+ querubín angelanakaw patjjat imjjatapjjäna.