12 ukatwa kuntï maykista uk churäma.+ Jumarojj wali yatiñani amuytʼasiri chuyma churäma,+ kunjamtï jumat nayrajj jan khitis jumjamajj utjkänjja, ukhamarakiw juma qhepat jan khitis jumjamajj utjkaniti.+ 13 Kuntï jan maykista uksa churarakïmawa,+ jumarojj qamiriruw tukuyäma, wali jachʼañchatarakïyätawa.+ Taqe jakañamansti janiw jumjam yaqha reyejj utjkaniti.+

29 Diosasti Salomonarojj wali yatiñanïñampi, wali amuytʼasirïñampi churäna, chuymapan amuytʼatapajj lamar qota lakan utjki uka walja chʼallanakar uñtatänwa.+

22 Salomón reyisti oraqenkir taqe reyinakat sipansa wali qamiripunïnwa, wali yatiñanirakïnwa.+ 23 Taqe cheqat jutir reyinakaw Salomonamp jikisiñ munapjjäna, ukhamat cheqpach Diosajj Salomonan chuymapar uchkäna uka yatiñap istʼañataki.+ 24 Sapa marasti, jupar visitirinakajj sapa mayniw regalonak apanipjjerïna: qollqe metalat luratanaka, qori metalat luratanaka, isinaka,+ armanaka, bálsamo sat aceite, caballonaka, mulanaka.