19 Ukampis jumanakatï nayar arkañat jitheqtapjjetäta, churapksma uka mandamientonakajsa leyinakajsa jan phoqapkäta, yaqha diosanakar servir sarapjjäta, nayraqatanakapans altʼasipjjarakïta ukhajja,+ 20 kawkïr oraqtï jupanakar churkta uka oraqetwa nayajj Israel markar chhaqtayäjja,+ sutijatak sagrador tukuykta aka utsa naya nayraqatat apanuküwa, taqe markanak taypinwa aka utajj jiskʼachatäni,* phenqʼachatarakïni.+