16 Kunapachatï Josiasajj qhepar uñtäna ukhajja, qollunkkäna uka sepulturanak uñjäna, ukatsti sepulturankir chʼakhanak aptayanisaw altar patjjan phichantäna. Ukhamatwa Jehová Diosan aruparjamajj falso diosanakar jan adorasiñapatakejj* uka alto cheqankir sagrado lugaranak qʼal tʼunthapïna, ukanak pasañapsti cheqpach Diosan serviripaw arsüna, ukarjamaw phoqasirakïna.+ 17 Ukatjja reyejj akham sänwa: “Nayajj mä sepultura khayan uñjta. ¿Khitinkis uka sepulturajja?” sasa. Uk satasti markankir chachanakajj akham sapjjänwa: “Uka sepulturajj Judá markankir cheqpach Diosan serviripankiwa,+ juparakiw kunanaktï jumajj Betel markankir altar contrajj lurkta ukanak arsüna” sasa.