• Salmo 89:33-37
    Biblia Aymara. Machaq Mundon Jakirinakataki

    • 33 Ukampis janipuniw munasiñat jan jaytjasirïtaj jupat apaqkäti,+

      promesa luratajsa nayajj phoqapunïwa.

      34 Janipuniw nayajj pacto lurataj pʼakintkäti,+

      kuntï lakajajj arski ukjja janirakiw mayjtʼaykäti.+

      35 Santo Diosjamaw nayajj mä juramento lurta, mä kutikiw wiñayatak lurta,

      janiw Davidarojj kʼarinak parlkäti.+

      36 Jupan wawanakapajj wiñayatakïniwa,+

      kunjamtï intejj wiñayatakïkejja, ukhamarakiw tronopajj wiñayatakïni.+

      37 Uka tronojj wiñayatak suma uttʼayatäniwa,

      kunjamtï phajjsejj alajjpachanakan confiykañ testigjam uñstapunejja ukhama”. (Sélah).

  • Jeremías 33:20, 21
    Biblia Aymara. Machaq Mundon Jakirinakataki

    • 20 “Naya Jehová Diosajj akham sistwa: ‘Jumanakatï arumampi urumpi lurkta uka pactoj pʼakintapjjasma, ukhamat urusa arumasa jan tiempopar puriniñapataki,+ 21 ukhakiw David servirijampi lurkta uka pactojj pʼakintasispa,+ ukhamat jupan yoqapajj jan mä reyjam tronopan qontʼat apnaqañapataki.+ Ukhakirakiw nayar serviri levita sacerdotenakamp lurkta uka pactojj pʼakintasispa.+