11 Asá reyejj David nayra awkipjamarakiw Jehová Dios nayraqatan kunatï cheqapäki ukanak luräna.+

11 Ukatjja Asá reyejj Jehová Diosaparuw ruwtʼasïna,+ akham sasa: “Jehová Dios Tata, chʼamanirus* jan chʼamanirus igualak jumajj yanaptʼtajja.+ Nanakan Jehová Diosaja, yanaptʼapjjakitaya. Nanakajj jumaruw confiyasipjjsmajja,+ sutimjjaruw aka walja jaqenak contra nuwasirejj jutapjjarakta.+ Jehová Dios Tata, jumaw nanakan Diosajätajja. Janikiy aleq jaqenakan jumar atipjañap munamti”+ sasa.

8 Kunapachatï Asá reyejj Azarías chachan arunakapampi Oded profetan profeciapampi istʼäna ukhajja, wal jupajj chʼam katjjatäna, taqe Judá ukhamarak Benjamín oraqenakatsa Efraín oraqen qollunakap toqen katuntkäna uka markanakatsa, ajjtaskañ idolonak chhaqtayäna.+ Jehová Diosan utapankki uka pórtico sat mantañ cheqat nayräjjankkäna uka Jehová Diosan altarapsa askicharakïnwa.+