2 Acaz chachajj 20 maranïkäna ukhaw reyëjjäna, 16 maranakaw Jerusalenan reyit apnaqarakïna. Jupajj janiw Jehová Diosap nayraqatan kunatï cheqapäkäna uk lurkänti, kunjamtï David nayra awkipajj lurirïkäna ukhama.+

20 Ukatjja Acaz reyejj nayra awkinakapampiw samartʼjjäna, Davidan Markapa sat markanwa nayra awkinakapamp imtʼatäjjarakïna. Jupa lantejj Ezequías*+ yoqapaw reyëjjäna.