31 Salomón reyisti taqe chachanakat sipansa wali yatiñanïnwa, Etán+ sat ezrahíta chachat sipansa, Mahol chachan Hemán,+ Calcol,+ Dardá yoqanakapat sipansa Salomonaw jukʼamp yatiñanïna. Jupan ukham yatiñanïtapajj taqe markanakanwa yatisïna.+

34 Taqe markankir jaqenakaw Salomón reyin yatiñap istʼir jutapjjäna, Salomonan yatiñapat istʼapkäna uka reyinakas oraqpachatwa jutapjjarakïna.+

11 Ukatjja Diosajj akham sasaw Salomonar säna: “Jumajj chuymatpach uk mayistajja, janirakiw qamirïñsa, wali utjirinïñsa, ni jachʼañchatäñsa, ni uñisirinakaman jiwañapsa, ni jaya tiempo jakañsa maykistati, jan ukasti reyit apnaqañamatak uttʼayksma uka markajar juzgañatakejj yatiñampi uñtʼañampi mayistajja,+ 12 ukhamajj yatiñampi uñtʼañampi nayajj churäma; ukjjarusti qamirïñampi, wali utjirinïñampi, jachʼañchatäñampi churarakïma, ukanakajj janirakiw khiti reyins jumat nayrajj utjkänti, ni khiti reyins jumat qheparojj utjkaniti”+ sasa.