9 Kunapachatï tunka payanïri phajjsëjjäna, mä arunjja adar* phajjsit+ 13 urunak saraqjjäna ukhaw reyin ordenapampi leyipampejj phoqasjjäna.+ Uka urunwa judionakan enemigonakapajj jupanakar qʼal tukjañ suyasipkäna, ukampis janiw ukajj phoqaskänti, antisas judionakaw uñisirinakaparojj atipjapjjäna.+ 2 Judionakasti markanakapanwa Asuero+ reyin taqe provincianakapan taqeni tantachtʼasipjjäna, ukhamat jupanakar usuchjañ munapkäna ukanak contra nuwasiñataki. Janiw ni mä jaqes jupanak contra saytʼañ puedkänti, kuna laykutejj judionakar ajjsarañaw taqe markanakan utjäna.+