10 ¿Janit jupampiru, familiapampiru, kunanakatï jupan utjki ukanakampir jarkʼaqañatakejj mä perqampis muyuntaykasma ukhamäki?+ Jumajj taqe luratanakaparuw bendistajja,+ uywanakapas waljapuniw oraqen mirantaraki. 11 Ukampis jichhajj amparam loqatatasajj kunanakatï jupan utjki ukanak apaqam, ukatsti jupajj cheqpachapuniw pachpa ajanumar maldisïtam” sasa. 12 Jehová Diosasti Supayarojj* akham sarakïnwa: “Taqe kunanakatï jupankki ukanakajj amparamankiwa.* ¡Job mayaruk jan llamktʼamti!” sasa. Ukatwa Supayajj Jehová Dios nayraqatat sarjjäna.+