9 Ukatsti Jehová Diosajj Cainar akham sänwa: “¿Kawkinkis Abel jilamajja?” sasa. Cainajj sarakïnwa: “Janiw yatkti, ¿nayajj jilajan uñjiripätti?” sasa. 10 Diosajj jupar sarakïnwa: “¿Kunatsa uk lurta? ¡Istʼam! Jilaman wilapajj oraqetpachwa nayar artʼasinkitu.+

5 Jumanakan wilamatï wartatänejja nayajj cuenta mayëjja. Mä jakir animalatejj jumanakan wilam wartanejja, uka animalajj jiwañapawa. Jaqe masimatejj jumanakar jiwayapjjätamjja, uka jaqerojj cuenta nayajj mayirakëjja.+

24 Jehú chachasti flechtʼañ arcop katusajj Jehoram reyiruw jikhanipat flechtʼäna, flechasti chuymapat junstarakïna, ukhamatwa jupajj guerran nuwasiñatak carropan jiwjjäna.

26 ‘Naya Jehová Diosajj akham sistwa: “Kunjamsa Nabot chachampi yoqanakapampejj jiwayat uñjasipjjäna ukwa*+ masürojj uñjta” sasa. “Nayaw jupanakan wilapat aka pachpa oraqen jumat vengasëjja”+ sasaw naya Jehová Diosajj arsurakta’ sasa. Jichhasti Jehová Diosan arunakaparjamajja, jupar aptasajj Nabot chachan oraqepar jaqtanim”+ sasa.

3 Cheqpachansa Jehová Diosan arsutaparjamaw Judá markarojj taqe ukanakajj pasäna, Diosasti Manasés chachan juchanak luratap+ laykuw jupanakarojj jupa nayraqatat chhaqtayañ munäna,+ 4 jan juchani jaqenakan wilap wartatap+ laykus ukhamaraki. Manasés chachajj jan juchani jaqenakan wilapampiw Jerusalén markar phoqantäna, Jehová Diosasti janirakiw Judá markarojj perdonañ munkänti.+

49 Ukatwa Diosan yatiñapajj akham sarakïna: ‘Nayaw jupanakan ukarojj profetanaksa apostolonaksa khitäjja, ukampis yaqheparojj jiwayapjjaniwa, arknaqapjjarakiniwa. 50 Ukhamat aka tiempon jakir jaqenakajj taqe profetanakan wila wartasitapat juchanïpjjañapataki,* aka mundojj qalltkäna* uka tiempotpacha,+ 51 Abel+ sat chachan wilapat Zacariasan wilapkama. Jupasti templompit altarampit chika taypir jiwayataw uñjasïna’+ sasa. Cheqpachansa nayajj sapjjsmawa, aka tiempon jakir jaqenakaw jupanakan wilapat juchanïpjjani.*