-
Salmo 37:38Biblia Aymara. Machaq Mundon Jakirinakataki
-
-
38 Ukampis jan walinak luriri taqe jaqenakajj tukjatäpjjaniwa,
jan wali jaqenakajja jutïrin tukjatäpjjarakiniwa.+
-
-
Jeremías 12:1-3Biblia Aymara. Machaq Mundon Jakirinakataki
-
-
12 Jehová Dios Tata, jumajj cheqap Diosätawa.+ Kunapachatï nayajj jumar quejassma ukhasa,
juicionakamat parlksma ukhasa, jumajj cheqaparjamaw uñjtajja.
Ukampis ¿kunatsa jan wali jaqenakan luratanakapajj sumarupun sari?+
¿Kunatsa traicioniri jaqenakajj jan kuna llakin jakasipjje?
2 Jumaw jupanakar ayrunttajja,* jupanakajj saphintapjjarakiwa.
Jupanakajj jilsupjjewa, achoqapjjarakiwa.
Jupanakajj jumat parlapjjapuniwa, ukampis chuymanakapajj* jumat jayarstʼatawa.+
3 Jehová Dios Tata, ukampis jumajj sum uñtʼistajja,+ uñjarakistawa,
jumaw chuymajs uñantistajja, jumampïskatapwa uñjaraktajja.+
Jupanakarojj khariñatak ovejanakarjam ajlliram,
jiwarayañ urutak jupanakar yaqhacham.
-