• 1 Crónicas 16:28-33
    Biblia Aymara. Machaq Mundon Jakirinakataki

    • 28 Yaqha markankir familianaka, Jehová Diosar jachʼañchapjjam,

      kʼajkir qhanapatsa chʼamapatsa Jehová Diosar jachʼañchapjjam.+

      29 Jehová Diosan jachʼa sutip jachʼañchapjjam;+

      mä regalo apanipjjam, jupa nayraqatar uñstapjjam.+

      Jehová Diosatakejj sagrado isinakamp isthapisisin altʼasipjjam.*+

      30 ¡Jupa nayraqatanjja oraqpach khatatpan!

      Oraqejj suma uttʼayatawa; janiw onjjtayatäkaspati.*+

      31 Alajjpachanakajj kusispan, aka oraqes kusisirakpan;+

      markanak taypin akham sasin yatiyapjjam: ‘¡Jehová Diosajj Reyëjjewa!’+ sasa.

      32 Lamar qotasa kunanakatï qotar phoqantki ukanakas kusisiñat arnaqasipjjpan;

      pampa oraqenakasa kunanakatï ukan utjki ukanakas kusisipjjpan.

      33 Jehová Dios nayraqatanjja, montenkir* qoqanakas* kusisiñat arnaqasipjjarakpan,

      kuna laykutejj jupaw oraqer juzgañatak jutaski.*