Watchtower INTERNETANKIR BIBLIOTECA

Watchtower INTERNETANKIR BIBLIOTECA

INTERNETANKIR BIBLIOTECA

Salmo 43:3

Biblia Aymara. Machaq Mundon Jakirinakataki
- 3 Qhanamampi cheqa yatichäwimampiy nayar apayanita.+
  
  Ukanakay nayar irpitpan,+
  sagrado qollumaru, musparkañ tabernaculomaruy irpitpan.+

Proverbios 6:23

Biblia Aymara. Machaq Mundon Jakirinakataki
- 23 Kuna laykutejj mandamientonakajj mä lamparawa,+
  leyejj mä qhanarakiwa,+
  sum sarnaqañatak cheqañchäwejj jakañar apir thakiwa.+

Isaías 51:4

Biblia Aymara. Machaq Mundon Jakirinakataki
- 4 Nayan markaja, wali atencionamp istʼita,
  nayan markaja, istʼita.+
  
  Kuna laykutejj nayatwa mä leyejj mistuni,+
  justiciaj-jja mä qhanar uñtataw markanakatak uttʼayäjja.+

Romanos 15:4

Biblia Aymara. Machaq Mundon Jakirinakataki
- 4 Taqe kunanakatï nayra tiempon qellqaskäna ukanakajja, jiwasar yatichañatakiw qellqasiwayi,+ ukhamat kuntï Diosajj jutïrin churkistani uk suytʼañasataki.+ Uka Qellqatanakaw aguantañasatak yanaptʼistu, chuymachtʼarakistu.+

2 Timoteo 3:16, 17

Biblia Aymara. Machaq Mundon Jakirinakataki
- 16 Taqpach Qellqatajj Diosan amuytʼayatawa,+ sumarakiw yatichañataki,+ cheqañchañataki, kunatejj jan walïki ukanak askichañataki, kunatï walïki ukarjam yatichañataki,*+ 17 ukhamat Diosan serviripajj suma yatjjatatäñapataki, taqe suma luräwinak lurañatakis suma wakichtʼatäñapataki.

2 Pedro 1:19

Biblia Aymara. Machaq Mundon Jakirinakataki
- 19 Jiwasanakajj profecía arunakarojj jukʼampiw confiytanjja. Jumanakajja walikpun uka arunakarojj wali amuyump uñjasipktajja, kunjamtï lamparajj+ mä chʼamak cheqan qhantkejja, ukhamarak uka arunakajj chuymanakaman qhantpan, kunapachatï qhanjtanjjani, alwa warawaras+ mistunjjani ukhakama.