24 Lawar chʼakkatasasti,* patjja isinakap jaljasiñatakiw suertenak willtapjjäna, ukhamat kunsa apasipjjani uk yatiñataki.+

34 Jesusajj sänwa: “Alajjpachankir Awki, jupanakar perdonam, kuntï lurapki uk janiw yatipkiti” sasa. Ukjjarusti jupan isinakap jaljasiñatakiw suertenak willtapjjäna.+

23 Jesusar lawar chʼakkatasasti,* soldadonakajj patjja isinakap aptasaw pusir jaljasipjjäna, sapa maynitakiw jalanoqasipjjäna. Manqha isipsa ukhamarakiw aptapjjäna. Uka manqha isejj janiw chʼukunïkänti, alayat aynachkam sawutänwa. 24 Ukhamajj akham sasaw jupanakkam parlasipjjäna: “Jan chʼiyjkañäniti. Antisas uka isjjat suertenak willtapjjañäni, ukhamat khitinkanis uk amtañataki”+ sasa. Ukajj kuntï Qellqatanakan mä cheqajj siski ukan phoqasiñapatakiw pasaskäna, ukan akham siwa: “Jupanakajj isinakajwa jupanakkam jalanoqasipjjäna, isijatsa suertenak willtapjjäna”+ sasa. Cheqpachansa soldadonakajj ukhampunwa lurapjjäna.