• Salmo 19:9, 10
    Biblia Aymara. Machaq Mundon Jakirinakataki

    •  9 Jehová Diosar ajjsarañajj*+ qʼomawa, wiñayatakiwa.

      Jehová Diosan amtanakapajj cheqawa, taqpachaw cheqapajja.+

      10 Ukanakajj qorit sipansa jukʼamp munkañawa,

      qʼomachat walja qorit sipansa jukʼamp munkañawa.+

      Miskʼit sipansa jukʼamp mosqʼawa,+ abejanakajj miskʼichki ukat chʼaqarir miskʼit sipansa jukʼamp mosqʼawa.

  • Proverbios 3:13-15
    Biblia Aymara. Machaq Mundon Jakirinakataki

    • 13 Khititï yatiña jikjjatki ukajj kusisitawa,+

      khititï amuytʼasirïña jikjjatki ukajj kusisitarakiwa.

      14 Yatiña jikjjatañajj qollqe jikjjatañat sipansa jukʼamp sumawa,

      yatiña jikjjatañajj qori jikjjatañat sipansa jukʼamp sumawa.+

      15 Yatiñajj coralanakat* sipansa jukʼamp valoraniwa,

      yatiñajja kuntï jumajj munkta ukampejj janiw igualaskaspati.