11 Ukatjja Diosajj akham sänwa: “Jumajj janiw walja maranak jakañsa, qamirïñsa, ni enemigonakaman jiwañapsa maykistati, jan ukasti cheqaparjam juzgañatakejj amuytʼasirïñ mayistajja,+ 12 ukatwa kuntï maykista uk churäma.+ Jumarojj wali yatiñani amuytʼasiri chuyma churäma,+ kunjamtï jumat nayrajj jan khitis jumjamajj utjkänjja, ukhamarakiw juma qhepat jan khitis jumjamajj utjkaniti.+ 13 Kuntï jan maykista uksa churarakïmawa,+ jumarojj qamiriruw tukuyäma, wali jachʼañchatarakïyätawa.+ Taqe jakañamansti janiw jumjam yaqha reyejj utjkaniti.+