19 kunatï jaqenakarojj paski ukajja animalanakarojj pasarakiwa, taqenis mä pachpa tukuyanikïpjjewa.+ Kunjamtï animalajj jiwkejja ukhamarakiw jaqejj jiwi, taqeniw mä pachpa espiritunïpjje.+ Ukhamasti jaqejj janiw animalanakat sipans jilankkiti, kuna laykutejj taqe kunas inamayakiwa. 20 Taqeniw mä pachpa lugarar sarapjje.+ Taqeniw laqʼat jutapjje,+ taqenirakiw laqʼar kuttʼapjje.+

2 Taqeniw mä pachpa tukuyäwinïpjje:+ cheqap sarnaqer jaqesa, jan wali jaqesa,+ suma jaqesa, qʼoma jaqesa, jan qʼoma jaqesa, sacrificionak loqtir jaqenakasa, sacrificionak jan loqtir jaqenakasa. Suma jaqejja jucharar jaqempejj pachpakiwa, mä juramento lurir jaqejja sum amuytʼasis juramento lurir jaqempejj pachpakiwa. 3 Aka oraqenjja* aka llakkañaw pasi: niyakejjay taqenis mä pachpa tukuyäwinïpjjchejja,+ jaqenakan chuymanakapajj jan walinakampi phoqantatawa, jakañ vidanakapanjja loqhe amuyunïpjjarakiwa, ukatsti jupanakajj ¡jiwjjapjjewa!

11 Aka oraqenjja* akwa nayajj uñjarakta: ratuk tʼijurinakajja janiw mä tʼijüwin atipapkapuniti, chʼamani jaqenakajja janiw mä nuwasïwin atipapkapuniti,+ yatiñan jaqenakanjja janiw manqʼañanakapajj utjkapuniti, wali pʼeqen jaqenakanjja janiw wali valoran yänakapajj* utjkapuniti,+ yatiñanïpki uka jaqenakasa janiw nayrarupunejj sartapkiti,+ kuna laykutejj taqeniw jan waltʼäwi tiempon uñjasipjje, taqenirakiw akatjamat jan waltʼäwinakan uñjasipjje.