7 Salomón reyisti 12 comisarionakanïnwa, jupanakaw taqe Israel markpach uñjasajj reyirusa palacion jakirinakarus manqʼañanak churapjjerïna. Uka comisarionakat sapa maynejj maran mä phajjsiw manqʼa utjañapatak uñjapjjerïna.+

22 Salomón reyin palaciopankirinakajja, sapüruw 3.300 kilonak* suma jakʼumpi, 6.600 kilonak* jakʼumpi, 23 likʼintayat 10 vacanakampi, pastomp uywat 20 vacanakampi, 100 ovejanakampi, venadonakampi,* gacelanakampi, corzo sat animalanakampi ukhamarak cuclillo sat likʼintayat jamachʼinakampi manqʼapjjerïna.

4 Saba markan reinapajja, Salomonan+ wali yatiñanïtap uñjasasa, reyin uta luratap uñjasasa,+ 5 Salomonan mesapankkäna uka manqʼañanak uñjasasa,+ servirinakapajj kunjam qontʼatäpjjänsa uk uñjasasa, meseronakapar servir uñjasasa, isinakap uñjasasa, coperonakapar uñjasasa, kunjamsa Salomonajj Jehová Diosan utapan nakhantayat sacrificionak loqtapunïna uk uñjasasa, walpun jupajj musparäna.

21 Salomón reyin taqpach copanakapajj qorit luratkamakïnwa, kunanakatï Líbano Monte*+ sat utan serviñatakejj wakiskäna taqe ukanakas suma qorit luratarakïnwa. Qollqe metalat luratajj janiw kunas utjkänti. Salomón reyin urunakapansti, qollqe metalajj janis kunäkaspa ukham uñjatänwa.+