• Esdras 1:1, 2
    Biblia Aymara. Machaq Mundon Jakirinakataki

    • 1 Persia markan Ciro reyipajj mä mara apnaqaskäna+ ukhajja, kuntï Jehová Diosajj Jeremías taypi+ arskäna uka arunak phoqasiñapatakejja, Jehová Diosaw Persia markan Ciro reyin chuymapar mä amuyu uchäna, ukhamat taqe reinopan* mä decreto yatiyasiñapataki, uksti jupajj akham sasaw qellqarakïna:+

      2 “Persia markan Ciro reyipajj akham siwa: ‘Alajjpachankir Jehová Diosaw nayarojj oraqenkir taqe reinonak* churitu,+ juparakiw Jerusalén markan mä uta lurañatakis uttʼayitu,+ ukasti Judá oraqenkiwa.

  • Isaías 45:1
    Biblia Aymara. Machaq Mundon Jakirinakataki

    • 45 Jehová Diosaw Ciro+ ajllitapan

      kupi amparap katjjaru,+

      ukhamat markanakar jupa nayraqatan munañapar apnaqañataki,+

      reyinakar chʼamap apaqañataki,

      jupa nayraqatan markar mantañ punkunakap jistʼarañataki,

      ukhamat punkunakajj jan jistʼantatäñapataki, jupajj Ciro ajllitaparojj akham siwa:

  • Daniel 10:1
    Biblia Aymara. Machaq Mundon Jakirinakataki

    • 10 Persia markan Ciro+ sat reyipajj kimsa maraw apnaqaskäna, ukhaw Beltsasar+ satäki uka Danielajj mä yatiyäwi katoqäna, uka yatiyäwisti cheqänwa, ukajj mä jan waltʼäwit parläna. Danielasti uka yatiyäwi sum amuyäna, kuntï jupajj uñjkäna uk amuyañatakejj suma amuyu katoqäna.