17 Taqe provincianakansa taqe markanakansa, kawkjarutï reyin decretopasa leyipasa purkäna uka cheqanakan judionakajj wali kusisitäpjjänwa, jachʼa manqʼäwinaksa fiestanaksa lurapjjarakïnwa. Taqe khitinakatï yaqha markanakatäpkäna ukanakas judiöjjapjjänwa,+ kuna laykutejj judionakar wal ajjsarañaw jupanakan utjäna.

14 Kuna laykutejj Jehová Diosajj Jacobut khuyaptʼayasitapwa uñachtʼayani,+ Israelarojj mayampiw ajllini.+ Oraqeparuw jupanakarojj uttʼayani,*+ extranjero jaqenakas jupanakamp juntukëjjapjjaniwa, Jacobun utaparuw mayachasjjapjjarakini.+ 2 Yaqha markanakankir jaqenakaw jupanakarojj pachpa lugarapar kuttʼayjjapjjani, Jehová Diosan oraqepanjja uka yaqha markankir jaqenakajj sirvientenakampiru sirvientanakampiruw tukupjjani, Israelan utapankirinakaruw servipjjani,+ jupanakar esclavor tukuyapkäna ukanakarojj esclavoruw tukuyapjjani, jupanakar munkir jan munkir trabajiyapkäna* ukanakarojj munañaparuw apnaqapjjarakini.