21 Ukatsti Jeremiasajj Jehová Diosan arunakap katoqäna, ukapacharakiw Sedequías+ reyejj Malkías chachan Pasjur+ sat yoqapampiru Maaseya sacerdoten Sofonías+ sat yoqapampirojj Jeremiasan ukar khitäna, akham sasin mayipjjañapataki: 2 “Mirä amp suma, kunas pasani ukay Jehová Diosar jisktʼaraqapjjeta, Babilonian Nabucodonosor* sat reyipaw nanakar atacasipkitu.+ Inas Jehová Diosajj nanakar yanaptʼañatakejj musparkañanak lurchispa, ukhamat uka reyejj nanakan ukat sarjjañapataki”+ sasa.