12 Zébah, Zalmuná sat pä reyinakajj escapapkäna ukhajja, Gedeonajj uka madianita reyinakar arktasaw katjäna, ukatwa campamentonkirinakajj taqeni wal ajjsarayasipjjäna.

28 Ukhamwa israelitanakajj madianitanakar+ atipjapjjäna, janirakiw madianitanakajj israelitanak contrajj wasitat saytʼasjjapjjänti.* Gedeonan urunakapanjja, 40 maranakaw uka oraqen sumankañajj utjäna.+

26 Ejercitonakan Jehová Diosapajj jupanak contraw mä chicote aytani,+ kunjamtï madianitanakar Oreb qarqa* jakʼan tukjkäna ukhama.+ Thujrupasti lamar qotjjankaniwa, kunjamtï Egipto markamp lurkäna ukhamwa thujrup aytarakini.+