20 Uka urunakanjja Ezequías reyiw usuntäna, niya jiwirjamarakïnwa.+ Ukatsti Amoz chachan Isaías profeta yoqapaw jupan ukar jutasajj akham säna: “Jehová Diosajj akham siwa: ‘Familiamarojj sum ewjjtʼawayjjam, jumajj jiwjjätawa, janirakiw waliptkätati’+ sasa”. 2 Uk yatisasti perqa toqer kutikipstasaw Jehová Diosar oración lurañ qalltäna, akham sasa: 3 “Jehová Dios Tata, nayajj jumaruw ruwtʼasma, mirä amp suma, kunjamsa nayajj thakinakaman jumat jan jitheqtasa phoqat chuymamp sarnaqawayta, kunatï juma nayraqatan walïki ukwa lurarakta,+ uk amtasikimaya” sasa. Ukatjja Ezequiasajj walpun jachäna.