• Isaías 1:23
    Biblia Aymara. Machaq Mundon Jakirinakataki

    • 23 Principenakamajja jan istʼasirïpjjewa, lunthatanakampiw chikachasipjjaraki.+

      Taqe jupanakajja qollqe chilltayasiñ wal munapjje, regalonakwa thaqapjjaraki.+

      Jan awkini wajcha wawarojj* janiw cheqapar uñjapkiti,

      viuda warmin quejapjja janipuniw uñjapkiti.+

  • Jeremías 5:26-28
    Biblia Aymara. Machaq Mundon Jakirinakataki

    • 26 Kuna laykutejj nayan pachpa markajanwa jan wali jaqenakajj utjapjje.

      Jupanakajj mä kun katjañatakiw wal uñchʼukisipki, kunjamtï jamachʼi katurinakajj suyjjatapki ukhama.

      Jupanakajj mä jiwayir trampa uchapjje.

      Jupanakajj jaqenakaruw katuntapjjaraki.

      27 Kunjamtï mä jaulajj jamachʼinakamp phoqantatäkejja,

      ukhamarakiw utanakapajj kunanakatï engañomp jikjjataski ukanakamp phoqantat uñjasi.+

      Ukhamatwa jupanakajj qamiriru ukhamarak wali munañaniru tukupjje.

      28 Jupanakajj likʼintapjjewa, jañchinakapajj llijkirikiwa.

      Kunatï jan walïki ukanakajj jupanakan jilarkiriwa.

      Jan awkini wajchanakarojj* janiw cheqaparjam uñjatäpjjañapatak arjjatapkiti,+

      ukhamat jupanak pachpajj sumar sarapjjañapataki,

      pobrenakarus janiw cheqaparjam uñjapkiti’”.+

  • Miqueas 2:1, 2
    Biblia Aymara. Machaq Mundon Jakirinakataki

    • 2 “¡Ay kunakïkani, khitinakatï jan walinak lurañ amtapki ukanakatjja!

      ¡Ay kunakïkani, khitinakatï ikiñanakapan jan walinak lurañ amtapki ukanakatjja!

      Alwan qhanapampiw kunanaktï amtapki ukanak lurapjje,

      kuna laykutejj ukanak lurañatakejj amparanakapan chʼamanïpjjewa.+

       2 Kunapachatï jupanakajj mä oraqe munapjje ukhajja, uka oraq katuntasipjjewa,+

      mä uta munapjje ukhajja, uka utjja katuntasipjjewa,

      mä jaqen utap katuntasiñatakisa+

      herenciap katuntasiñatakis jupanakajj engañjapjjewa.