14 Ukatjja Isaías profetajj Ezequías reyin ukar mantasaw akham sasin jisktʼäna: “¿Kamsapjjes uka jaqenakajja? ¿Kawkitsa jutapjje?” sasa. Ezequiasajj akham sarakïnwa: “Jupanakajj wali jaya markat jutapjje, Babiloniata”+ sasa. 15 Ukjjarusti Isaías profetajj akham sasaw jupar jisktʼarakïna: “¿Kunanaksa utaman* uñachtʼayta?” sasa. Ezequiasajj sarakïnwa: “Jupanakajj utaj* taqpach uñjapjje. Jupanakarojj wali valorani imañ cheqanakajan kunanakatï utjki ukanakjja jan kun imtʼasaw taqpach uñachtʼayta” sasa.