7 ”‘“Ukanak pasatatsti”, sistwa naya Jehová Diosajja, “Judá markan Sedequías reyiparusa, servirinakaparusa, aka markankir jaqenakarusa, khitinakatï jan wali usumpita,* espadampita, manqʼat pistʼañampit jiltʼapkani ukanakarojja, Babilonian Nabucodonosor* reyipan amparapampiru, enemigonakapan amparapampiru, khitinakatï jupanakar jiwayañ thaqasipki ukanakan amparapampiruw katuyäjja.+ Jupajj espadampiw jiwarayani. Janiw jupanakat sintiskaniti, janirakiw khuyaptʼayaskaniti, ni sinttʼaskanisa”’.+

8 ”’Ukampis sinti jan walïtapat jan manqtʼañjamäki uka jan wali higonakatjja,+ Jehová Diosajj akham siwa: “Judá markan Sedequías+ reyiparusa, principenakaparusa, aka oraqen jiltʼapki uka Jerusalén markankirinakarusa, khitinakatï Egipto oraqen jakapki ukanakarus ukhamarak uñjäjja.+

21 Judá markan Sedequías reyiparusa principenakaparusa, enemigonakapan amparaparu, jiwayañ munapki ukanakan amparaparu ukhamarak Babilonia markan ejercitopan amparaparuw katuyäjja,+ jupanakajj jumanak contra saytʼañatwa sarjjasipki’.+

12 Jupanak taypinkki uka pʼeqtʼiriw kallachipjjarojj qʼepip qʼepjjaruni, chʼamakanwa misturakini. Murallaruw mä jachʼa pʼiya pʼiyjani, uka pʼiya cheq qʼepip apsurakini.+ Oraqe jan uñjañatakejj ajanup imtʼasini’ sasa. 13 Nayasti jupjjaruw qänajampi* jaqjjatäjja, katuñ qänajan katuntatäniwa.+ Caldeonakan oraqeparu, Babilonia markaruw apäjja, ukampis janiw uñjkaniti, ukanwa jiwarakini.+