• Jeremías 50:13
    Biblia Aymara. Machaq Mundon Jakirinakataki

    • 13 Jehová Diosan wal colerasitap laykojj janiw khitis ukan jakkaniti.+

      Uka markajj chʼusakëjjaniwa, janiw khitis ukan jakkaniti.+

      Taqe khititï Babilonia marka paskani ukajj wali ajjsarasaw uñchʼukini,

      taqe jan waltʼäwinakap uñjasasti khuyusipjjarakiniwa.+

  • Jeremías 50:39, 40
    Biblia Aymara. Machaq Mundon Jakirinakataki

    • 39 Ukatwa wasarankir animalanakajj awullir animalanakamp chik ukan jakapjjani,

      avestruz sat animalanakaw ukan jakapjjani.+

      Janipuniw jaqenakajj ukan jakjjapjjaniti,

      wiñayatakiw jaqenakajj ukan jan utjkaniti”.+

      40 “Kunjamtï Diosajj Sodoma, Gomorra+ markanaksa uka markanak jakʼankir markanaks+ tukjkänjja ukhamarakïniwa”, siw Jehová Diosajja, “janiw khitis uka markan jakjjaniti, janirakiw khiti jaqes ukan utjnoqkaniti.+