• Jeremías 2:8
    Biblia Aymara. Machaq Mundon Jakirinakataki

    •  8 Sacerdotenakajj janiw ‘¿kawkinkis Jehová Diosajja?’ sasin jisktʼasipkänti.+

      Khitinakatejj Ley yatichapjjañapäkäna ukanakajj janiw nayar uñtʼapkitänti,

      awatirinakas naya contraw saytʼapjjäna,+

      profetanakas Baal+ diosan sutipjjaruw profecianak arsupjjäna,

      jupanakar jan kunans yanaptʼkäna uka diosanakaruw arkapjjäna.

  • Jeremías 8:10-12
    Biblia Aymara. Machaq Mundon Jakirinakataki

    • 10 Ukatwa nayajj warminakaparojj yaqha chachanakar churäjja,

      oraqenakapsti yaqha dueñonakaruraki.+

      Kuna laykutejj jiskʼat jachʼakamaw mayninakat kʼarimp kʼarimp beneficionak apsupjje,+

      profetat qalltasajj sacerdotenakamppachaw mayninakar engañjapjje.+

      11 Jupanakajj akham sasakiw markajan phuchapan heridanakap qollañ munapjje:

      “¡Sumankañaw utji! ¡Sumankañaw utji!” sasa.

      Ukampis janiw sumankañajj utjkiti.+

      12 ¿Ajjtaskañ luratanakapat markajajj phenqʼasiti?

      ¡Cheqas janiw jupanakajj kunats phenqʼasipkiti!

      ¡Janirakiw kunjamas phenqʼachatäñajj uks yatipkiti!+

      Ukatwa jupanakajj tinkurinak taypinkapjjani.

      Jupanakar castigkä ukapachajj lanktʼasipjjaniwa’,+ siw Jehová Diosajja.

  • Miqueas 3:5
    Biblia Aymara. Machaq Mundon Jakirinakataki

    •  5 Profetanakajj markajaruw saranukuyasipki,+

      kunapachatï lakanakapampi khistuñatak kuna manqʼas utji ukhajja, sumankañatwa+ yatiyapjje,+

      ukampis khitinakatï jupanakar jan kuns lakapar uchapki ukanakarojja, guerraw utjani sasaw wal ajjsarayapjje,

      ukatwa Jehová Diosajj uka profetanak contrajj akham sasin arsuwayi:

  • Miqueas 3:11
    Biblia Aymara. Machaq Mundon Jakirinakataki

    • 11 Pʼeqtʼirinakapajj qollqe chilltayasisaw juzgapjje,+

      sacerdotenakapajj pago laykuw yatichapjjaraki,+

      profetanakapajj qollqe* laykuw yatirinakan luräwinakap lurapjjaraki.+

      Ukhamsa lurapjjchejja, Jehová Diosaruw confiyapjjta sasaw sapjje, akham sapjjarakiwa:

      “¿Janit Jehová Diosajj jiwasampïki?+

      Janiw kuna jan waltʼäwis paskistaniti”+ sasa.