Watchtower INTERNETANKIR BIBLIOTECA

2 Reyes 21:16

Biblia Aymara. Machaq Mundon Jakirinakataki
- 16 Manasés reyin jan juchani jaqenakan wilap wartatapajj walipunïnwa, uka wilajj Jerusalén markanjja mä thiyat mä thiyakamaw* purïna.+ Jupajj kunatï Jehová Dios nayraqatan jan walïkäna ukanak lurayasaw Judá markar juchachasiyäna, ukarakïnwa yaqha juchapajja.

Isaías 59:7

Biblia Aymara. Machaq Mundon Jakirinakataki
- 7 Kayunakapajj jan wal lurañatakiw tʼijupjje,
  jan juchan jaqenakan wilap wartañatakejj jankʼakïpjjewa.+
  
  Amuyunakapajj jan wali amuyunakawa,
  thakinakapanjja tʼunjañampi jan waltʼäwimpikiw utji.+

Jeremías 2:34

Biblia Aymara. Machaq Mundon Jakirinakataki
- 34 Juman isinakamas jan juchani pobrenakan wilapampi manchatawa,+
  janis jupanakarojj wali chʼamampi utamar mantir uñjkstjja,
  jupanakan wilapajj taqpach isimankiwa.+

Lamentaciones 4:13

Biblia Aymara. Machaq Mundon Jakirinakataki
- 13 Ukajja profetanakapan juchanakapata, sacerdotenakapan pantjasipjjatapatwa pasäna,+
  jupanakajja cheqap sarnaqer jaqenakan wilapjja marka taypinwa wartapjjäna.+

Mateo 23:34, 35

Biblia Aymara. Machaq Mundon Jakirinakataki
- 34 Ukatwa jumanakan ukarojj profetanaksa,+ yatiñan jaqenaksa, yatichirinaksa* nayajj khitanipjjäma.+ Ukampis yaqhepanakajj jumanakan jiwayata+ lawar warkkatata ukhamaw uñjasipjjani, yaqhepasti sinagoganakaman jawqʼjata,+ markat marka arknaqata+ ukhamaw uñjasipjjarakini. 35 Ukhamat cheqapar sarnaqer taqe jaqenakan wilapajj oraqer wartasiwayki ukjjat juchanïpjjañamataki, cheqapar sarnaqeri Abel+ sat chachat qalltasina Baraquiasan Zacarías yoqapkama. Jumanakaw uka Zacariasarojj santuariompit altarampit chika taypir jiwayapjjtajja.+